یورپ میں شدید برفباری

پولینڈ میں شدید سردی کی وجہ سے درجہ حرارت منفی بیس ڈگری سینٹی گریڈ سے بھی کم ہونے کی وجہ سے آٹھ بے گھر افراد ہلاک ہو گئے ہیں۔
برطانیہ، فرانس اور سوئٹزلینڈ میں ہوائی اڈوں کو بند کر دیا گیا ہے جب کہ جرمنی اور سپین میں درجنوں پروازیں متاثر ہوئی ہیں۔
روس کے دارالحکومت ماسکو میں درجہ حرارت منفی تئیس اعشاریہ چھ سینٹی گریڈ تک گر گیا ہے جو سنہ انیس سو اکتیس کے بعد سے یکم دسمبر کا سب سے کم درجہ حرارت ہے۔

پولینڈ میں صورتحال اس سے بھی خراب ہے اور اس کے مشرقی شہر بیالسٹوک میں درجہ حرارت منفی چھبیس سینٹی گریڈ سے بھی نیچے چلا گیا ہے۔

پولینڈ میں شدید سردی کی وجہ سے آٹھ افراد کے ٹھٹھر کر ہلاک ہونے کے بعد پولیس عوام سے اپیل کر رہی ہے کہ وہ اپنے گرد و نواح پر نظر رکھیں اور بے گھر افراد کے بارے میں مطلع کریں۔
برطانیہ میں شدید سردی کی وجہ سے ہزاروں سکول بند کر دیے گئے ہیں اور ملک کے جنوبی حصوں میں پولیس کے مطابق ایسی صورتحال پہلے کبھی نہیں دیکھی ہے۔

برطانیہ میں شدید سردی کی وجہ سے ہزاروں سکول بند کر دیے گئے ہیں اور جنوبی کاؤنٹی سرے میں پولیس کے مطابق ایسی صورتحال پہلے کبھی نہیں دیکھی ہے۔

محکمہ موسمیات نے برطانیہ کے وسطی اور مشرقی حصوں میں شدید برفباری کی وراننگ جاری کی ہے۔

برفباری کی وجہ سے یورو سٹار ٹرین سروس کے ذریعے لندن سے پیرس اور برسلز سفر کرنے والے مسافروں کو گھنٹوں تاخیر کا سامنا کرنا پڑ رہا ہے۔

فرانس کے مشرقی علاقوں میں شدید برفباری کی وجہ سے ٹرکوں کے سفر پر پابندی عائد کر دی گئی ہے اور صرف ایک رات میں سات ہزار ٹرکوں کو سفر سے روک دیا گیا ہے۔

جرمنی میں شدید برفباری کی وجہ سے سڑکیں بند ہو گئی ہیں جس کی وجہ سے پروازیں منسوخ اور سکولوں کو بند کر دیا گیا ہے۔
جنوبی یورپ میں صورتحال بلکل مختلف ہے اور سائپرس میں یکم دسمبر کو درجہ حرارت تیس سینٹی گریڈ تھا۔

جرمن اخبار بِلڈ کا کہنا ہے کہ صدیوں بعد یکم دسمبر سب سے سرد دن تھا اور کچھ حصوں میں درجہ حرارت منفی اٹھارہ سینٹی گریڈ تک گر گیا ہے۔

یورپ میں شدید سردی کی وجہ سے توانائی کی طلب میں اضافہ ہونے کی وجہ سے توانائی کی مارکیٹوں میں قیمتیں بڑھ گئی ہیں۔

شمالی اٹلی میں شدید بارشوں کے بعد بدترین سیلاب آ گیا ہے جبکہ سول پروٹیکشن اتھارٹی نے مزید بارش کی پیشنگوئی کی ہے۔

روم کے دریائے ٹائبر میں صرف ایک دن میں پانی کی سطح میں ایک میٹر کی بلندی کی بعد سیلاب کا خدشہ ہے۔

جنوبی یورپ میں صورتحال بلکل مختلف ہے اور سائپرس میں یکم دسمبر کو درجہ حرارت تیس سینٹی گریڈ تھا۔

تصاویر کیلئے کلک کریں