میری پسندیدہ شاعری

Bohat achi choice hai hasan bhai

ملک بلال wrote:

جو دسترس میں نہ ہو تو خواہش بھی نہیں کرتے

کیا کہنا ہم جیسے خود پسند لوگوں کا

بہت خوب اچھا کلام ہے۔ مزید کا انتظار ہے۔

ملک بلال بھائی پسندیدگی کا شکریہ

Munawar wrote:

Bohat achi choice hai hasan bhai

منور بھائی پسندیدگی کا شکریہ

بہت خوب حسن بھائی

کوئی تتلی ہے نہ جگنو آہ شام بیکسی
آج دل میں نسترن کی شاخ پھر چھپنے لگی

تونے کیا توڑا گلستان سے وفا کا ایک پھول
ہر کلی ہے غیر محرم ہر شگوفہ اجنبی

بے ارادہ چل رہا ہوں زندگی کی راہ پر
میرے مسلک میں نہیں ہے کاروبار رہبری

میں شعاعوں میں پگھل جاوں مری فطرت نہیں
وہ ستارہ ہوں کہ جس کو ڈھونڈتی ہے روشنی

اور کتنی دور ہیں ساغر عدم کی منزلیں
زندگی سے پوچھ لوں گا راستے میں گرملی

ساغر صدیقی

اور کتنی دور ہیں ساغر عدم کی منزلیں
زندگی سے پوچھ لوں گا راستے میں گرملی

واہ محبوب بھائی آتے ہی چھا گئے ہیں۔ میرے پسندیدہ شاعر کی پسندیدہ ترین غزلوں میں سے ایک۔ بہت خوب

وہ گھر بسانے کی خواہش میں
اپنے بدن کی مصیبت میں نکلی
ہواؤں میں سازش کا موسم تھا
لیکن وہ اپنی جوانی کے سپنے میں بھٹکی
بڑی دیر تک زرد پتے کی مانند
جھوٹے دلاسوں کے شانوں پہ اُڑتی رہی

اُس کی آنکھوں کے روشن ستارے
بیاباں راتوں میں پتھرا گئے
اُس کے سینے پہ مہتاب گہنا گئے

اب وہ خوابوں کے آسیب کو تھام کر
رات دن کے پلوں سے گزرتی ہے
تنہا بدن کی سرائے میں ٹھہرے مسافر کو
اپنی کہانی سُناتی ہے
اور صبح ہونے سے پہلے
اسے بھول جاتی ہے

اسی حریف کی غارت گری کا ڈر بھی تھا
یہ دل کا درد مگر زار رہگذر بھی تھا

اسی پہ شہر کی ساری ہوائیں برہم تھیں
کہ اک دیا مرے گھر کی منڈیر پر بھی تھا

یہ جسم و جان تیری ہی عطا سہی لیکن
ترے جہان میں جینا مرا ہنر بھی تھا

اسی کھنڈر میں مرے خواب کی گلی بھی تھی
گلی میں پیڑ بھی تھا پیڑ پر ثمر بھی تھا

مجھے کہیں کا نہ رکھا سفید پوشی نے
میں گرد گرد رواں تھا تو معتبر بھی تھا

میں سرخرو تھا خدائی کے روبرو یوسف
کہ اس کی چاہ کا الزام میرے سر بھی تھا

بے ارادہ چل رہا ہوں زندگی کی راہ پر

میرے مسلک میں نہیں ہے کاروبار رہبری


محبوب بھائی بہت خوب شاعری ارسال کی ہے زبردست

منور بھائی آپ نے بھی عمدہ شاعری ارسال کی ہے

محبوب خان wrote:

بہت خوب حسن بھائی

محبوب بھائی پسندیدگی کا شکریہ

یہ نگاہ شرم جھکی جھکی، یہ جبینِ ناز دھواں دھواں
مرے بس کی اب نہیں داستاں، مرا کانپتا ہے رواں رواں
یہ تخیلات کی زندگی، یہ تصورات کی بندگی
فقط اک فریبِ خیال پرمری زندگی ہے رواں رواں
مرے دل پہ نقش ہے آج تک وہ باحتیاط نوازشیں
وہ غرورو ضبط عیاں عیاں، وہ خلوص و ربط نہاں نہاں
نہ سفر بشرطِ مآل ہےنہ طلب بقیدسوال ہے
فقط ایک سیری ذوق کو میں بھٹک رہا ہوں کہاں کہاں
ہو طلسم عالم رنگ و بو کہ حریم انجم و کہکشاں
مرا ساتھ دے گی نظر مری، وہ چھپیں گے جا کے کہاں کہاں
مری خلوتوں کی یہ جنتیں کئی بار سج کے اجڑ گئیں
مجھے بارہا یہ گماں ہوا کہ تم آرہے ہو کشاں کشاں

سماعتوں میں ترا وہ کلام باقی ہے
مہکتی رات کا رنگیں سلام باقی ہے

بہت سے نام سمے کی ہوا کا رزق بنے
کتابِ زیست میں بس ایک نام باقی ہے

ہزاروں وصل کے قصوں کا مجھ سے قتل ہوا
تمہارے ہجر کا قصہ تمام باقی ہے

صدی صدی کے حوالوں کو بھول بیٹھا ہوں
تمہارے قرب کی وہ ایک شام باقی ہے

ابھی بھی وقت ہے تم فیصلہ بدل ڈالو
تمہارے شہر میں میرا قیام باقی ہے

وہ جو بھی اہم تھے کردار میں نے لکھ ڈالے
مری کہانی کا اب اختتام باقی ہے

قبل اس کے۔ ۔ ۔
دسمبر کی ہواؤں سے رگوں میں خون کی گردش ٹھہر جائے
جسم بے جان ہو جائے
تمہاری منتظر پلکیں جھپک جائیں
بسا جو خواب آنکھوں میں ہے وہ ارمان ہوجائے
برسوں کی ریاضت سے
جو دل کا گھر بنا ہے پھر سے وہ مکان ہو جائے
تمہارے نام کی تسبیح بھلادیں دھڑکنیں میری
یہ دل نادان ہو جائے
تیری چاہت کی خوشبو سے بسا آنگن جو دل کا ہے
وہ پھر ویران ہوجائے
قریب المرگ ہونے کا کوئی سامان ہوجائے
قبل اس کے۔ ۔ ۔
دسمبر کی یہ ننھی دھوپ کی کرنیں
شراروں کی طرح بن کر، میرا دامن جلا ڈالیں
بہت ممکن ہے
پھر دل بھی برف کی مانند پگھل جائے
ممکن پھر بھی یہ ہے جاناں۔ ۔ ۔
کہ تیری یاد بھی کہیں آہ بن کر نکل جائے
موسمِ دل بدل جائے ۔ ۔ ۔
یا پہلے کی طرح اب پھر دسمبر ہی نہ ڈھل جائے
!قبل اس کے۔ ۔ ۔
دسمبر اور ہم تیری راہوں میں بیٹھے تم کو یہ آواز دیتے ہیں
کہ تم ملنے چلے آؤ
دسمبر میں چلے آؤ

بہت خوب زبردست